Mwen Jwenn yon Bèl Bebe

De la Tête aux Pieds


Alan Cavé

Premie Pati

Mezanmi…
‘Proche pi pre pou m rakonte n,
Yon koze sou yon bèl bebe.
Vini pou m di n kijan mwen

Koral la (2x)

Jwenn.
Jwenn, jwenn, jwenn, jwenn, jwenn ;
Jwenn… ak ‘on bèl bebe.

Dezièm Pati

Mwen jwenn yon fanm ki fè m konnen,
Kisa lanmou jwenn nan renmen.
Mwen jwenn yon fanm ki ban m kouray,
Pou mwen leve tou le maten.
Mwen jwenn yon fanm, ke lè m chagren,
K’a konsole m, pran m ak dë mėn.
Mwen jwenn yon fanm, lè l’ap mache,
Li bay solèy rezon leve.
Mezanmi mwen

{Repete koral la}

Twazièm Pati

M jwenn ‘on fanm ke lè m kriye,
Li seche dlo nan je mwen.
M jwenn ‘on fanm ke m ka parie,
Ap toujou ret’ kote mwen.
M jwenn yon fanm si se pa t’ li,
M pa konn’ kote la vi-m ta ye.
Mwen jwenn yon fanm, chak fwa mwen wè l,
M’anvi tout fanm sanble avè’ l.
Mwen jwenn yon fanm, lè l’ap dòmi,
M’anvi l pote m nan rèv l’ap fè.
Mwen jwenn yon fanm, senp ‘kou ‘on bonjou,
Youn ap di lòt tou le maten.
Mwen jwenn yon fanm, vièj pete je-m,
Si l pa ta la, tonnè kraze m.
Mwen jwenn ‘on fanm anverite ;
Li k’ fè Bon Die ekziste !
Mezanmi mwen

{Repete koral la}
… … …

Katriyèm Pati (2x)

Yon bèl bebe,
([2] Yon bèl bebe)
Ou pa ta di yon ti poupe.
M renmen jan manmzèl mache.
Depi m wè l kè mwen sote.
Ou wo, ou wo o…
([1] Mezanmi mwen jwenn)

Senkièm Pati

Mwen fou pou li wi se verite ;
Dekontrole pou li nèt ale.
Vle livre tèt mwen ba l sān rete ;
Fin’ egare, mwen chavire.
Vle mennen li, mennen l toupatou.
Fè lanmou avè’ li tou lè jou ;
Prezante li nan tout lakou.
She is my boo, my only boo.*

Yon bèl bebe.
(Yon bèl bebe)
Ou pa ta di yon ti poupe.

Sizièm Pati

Gade kijan yon fanm fè m fou.
Gade kijan m jwenn yon bou.

Setièm Pati (2x)

Imajine, m jwenn yon bebe,
Tout la jounen m vle kajole l.
Imajine, m jwenn yon bebe,
Tout lan nwit li m’ap reve.
Imajine… Imajine…
Imajine… Imajine…
([2] Yon bèl bebe)

SayZeal | Sezi l Nèttm
*Li se fanm mwen; sèl fanm mwen.

This entry was posted in Chanson, Literati and tagged , , , , . Bookmark the permalink.