Kristina Mwen

Petèt se charite w mwen konfondi
Kòm lanmou pou mwen an patikilie,
Ou se paske mwen pa tande moun di
Ase koze sou amitie serie,
K’ pa merite bliye, ki fè m trouve
L difisil pou jere ‘on bagay sakre
Tankou sa antre nou de-a k’ rive
Manifeste aprè tout tan sa vre;
Paske, yon fason ou yon lòt, ban m di:
Mwen te toujou renmen w. Wi agogo
M konnen yo vann paròl nan tout la ri,
Men si ou vle, pa-m yo se pa lago.
Kwè sa ou vle, men si l posib, konnen…
M’ap toujou renmen ou, Kristina Mwen.

© SayZeal | Sezi l Nèttm

This entry was posted in Literati and tagged , , , , , . Bookmark the permalink.