Paske Mwen Love

Mwen pa Jènjan
Pä
L. P. Juanito BEAUBRUN

Chapit I

Sa se premie  chapit la, nan liv m’ekri pou ou-a.
Yon liv ki chaje verite.  Cheri tande, tande…

¹ Mwen konnen m pa jènjan.
Kijan pou m prouve w sa m santi-a.
Sa se yon touman, drôle de sentiment.  Ye, ye, ye.
M pa konn’ si w te marie non ;
Ni m pa bezwen konnen si w divòse.
Se prezan k’ konte ; m prè pou m bliye.  Ye, ye, ye. 

²Cheri, tanpri souple, di mwen kijan w vle m ye.
Ou vle m tèt kale, oubien gro cheve ?
Ou ta renmen wè m gen yon jdrèd k’ap pouse.
Kèlkeswa jan w vle, cheri m’ap ye.

³Èske se mwen ou vle ki pou fè manje ?
Pou m lave asièt ; pase twal mouye.
Ranmase rad ou, met’ nan kivèt, pou m lave.
[Alt. M Konnen gen anpil fi, se sa y’ap chache].
Kèlkeswa jan w vle, cheri m’ap ye.
Kèlkeswa jan w vle, m di w : 

Koral la

Paske mwen love^a, love, love, love.
Love, mwen di w, my Love.
Paske mwen love, love, love, love.
Love, mėn my love…

Chapit II

Sa se dezièm  chapit la, nan liv m’ekri pou ou-a.
Yon liv ki chaje verite.  Cheri tande, tande…

¹Menm si m pa jènjan, non.
Men, m ka di w, pou bote Bon Die ba w la, m fè L konpliman.
Mon Dieu tu es grand, franchement, tu es grand^b.  Ye, ye, ye.

²Ou te mèt ban m fè djòb la bebe.
Di tout moun yo se mwen w anplwaye.
Mwen pa bezwen lajan, [salè-m] se pou m avè’ w sèlman.

³Cheri, tanpri, di mwen kijan w ta vle ale.
Sou cheval, bisiklèt, oubien voiture privé ;
Ou si se sou do-m ou ta vle moute.
Kèlkeswa jan w vle, cheri m’ap ye.

⁴Eske chak swa ou vle m ba w konsè prive.
Pou mwen rale gita-m, sān rete, ap chante,
Mizik Rodrigue Milien oū Toto Nécessité.
Kèlkeswa jan w vle, cheri m’ap ye.
Kèlkeswa jan w vle, m di w : 

Koral la

Paske mwen love, love, love, love.
Love, mwen di w, my Love.
Paske mwen love, love, love, love.
Love, mėn my love…

Chapit III

Sa se twazièm  chapit la, nan liv m’ekri pou ou-a.
Yon liv ki chaje verite.  Cheri tande, tande…

¹Fèm tounen twa ròch dife-w, pou chodiè-w bien chita.
Non, m p’ap janm’ sèvi w zorie ; mwen pito sèvi w dra.
Tankou Richie di, « Si m te ka kilòt ou mete,
mwen t’ap renmen lè w sal, pou mwen ka pi bien respire. »
Se lè bagay yo mal, pou w konn’ ki moun ki renmen w vre.
Ou wo, ou wo.  Ou wo, ou wo, wè.

²Cheri dejwe-m, jwe-m, oule mwen.
Privatize-m, depie-m, transfòme mwen.
Ankese-m, mare-m, minote mwen.   Wè, wè ; wè, wè ; wè, wè.

³Analize-m, etidie-m, resite mwen.
Moutre-m ou vle m, tankou w pa ka’ dispanse mwen.
Tèlman m renmen w, ou fè m bliye tout rès paròl mwen. {Fini}

SayZeal | Sezi l Nèt^tm
a Renmen (de anglè). Itilize là avèk nouwans.
« Paske mwen d’amou… M d’amou, mwen di w, Amou.
Paske mwen d’amou… Amou, men lanmou-m. »
^b Die mwen, ala ou gran ; franchman ou gran.