Lanmou Vire Do Ale

631 Toussaint l’Ouverture
Brooklyn, New York
8 Fevriye 2010

M. George Jacques
1 Saint Nicolas
Kenscoff, Ayiti

Zanmi-m :

Lanmou te là. L leve ; l’ale. Tankou ‘on timoun ki maledve. Sān eskize, sān di padon, sān bay rezon, l vire do-l ; l’ale.

Depi jou sa, m’ap penpennen. Temèt lan nwit ; temèt la jounen. Kè-m ap plenyen. Mėn-m ap manje m.  Tou’ dë ap chache l ; tou’ dë bezwen l.

Li kite gou bouch li sou bouch mwen. Li kite fòm, fòm kò-l, nan bra mwen. Se nòmal si m’ap flannen : moute-desann, vire-tounen. Ki sans la vi-m ap gen yen ? Ki sans la vi-m ap gen yen, sān li ?

Solèy ale ; solèy retounen. Dë pie-m mare. Mwen pran nan pèlen. Kè-m ap rache. Mėn-m ap manje m.  Tou’ dë ap chache l ; tou’ dë bezwen l.

Li kite gou bouch li sou bouch mwen. Li kite fòm, fòm kò-l, nan bra mwen. Nòmal pou m’ap flannen : moute-desann, vire-tounen. Ki sans la vi-m ap gen yen ? Ki sans la vi-m ap gen yen, sān li ?

Li pa ta fè m sa. Non, li pa bon. Non li pa bon sa l’ap fè m lan : « Ou là jodi-a, epi denmen w leve ale ». Kisa m pr’al’ fè ? Kisa m pr’al’ fè kounia ?

What am I going to do now ?

Alan

SayZeal | Sezi l Nèttm

This entry was posted in Chanson, Literati and tagged , , , , , , . Bookmark the permalink.