Mwen Swete ou Jwa

M’espere ke ou kapab  flote sou sikonstans la vi ou yo, kòm yon vwalie k’ap loveye lè van l’ès ap soufle.  Kòm yon papiyon k’ap danmbala sou flè prenten.

Mwen swete ou kapab jwenn rezon pou espere, menm kan ou rive nan kalfou la vi epi ou dwe chwazi pami chemen ki difisil. Mwen espere ou chwazi rout mwens vwayaje-a.

Avanse kanmèm, menm lè chemen an kwense.  Kominike kanmèm, menm si langaj parèt limite.  Renmen kanmèm, menm si ou riske kè kraze. 

Gen difikilte nan la vi.  Pèsevere kanmèm.  Tankou Job, ou kapab trouve Kezia, nan finisman tray ou yo. 

Nan mond sa, Jezi di, w’ap gen tribilasion; men pran kouraj, mwen deja triyonfe sou mond lan (cf. Jan 16.33).  

Mwen swete ou yon bòn ane:  plen de jwa, kontantman, esperans e lanmou.  Rezève yon bòl soup jomou pou mwen.  Ale bienneme, triyonfe!

© 2021 SayZeal | Sezi l Nèttm

This entry was posted in Bagay and tagged , , , , , , , , , , , , , , . Bookmark the permalink.